MÜAVİNLƏR
İlyas Alxas oğlu Əliyev
AHİK sədrinin birinci müaviniİlyas Alxas oğlu Əliyev haqqında
- 1957-ci ildə anadan olmuşdur. 1986-cı ildə D.Bunyadzadə adına Azərbaycan Xalq Təsərrüfatı İnstitutunu bitirmişdir.
- Əmək fəaliyyətinə «Azərkəndtəsərrüfattexnika»-da fəhlə kimi başlamış və müxtəlif vəzifələrdə çalışmışdır.
- 1981-ci ildən həmkarlar ittifaqı orqanlarında çalışmış, təlimatçı-müfəttiş vəzifəsindən Ticarət və İstehlak Kooperasiyası İşçilərinin Həmkarlar İttifaqı Respublika Komitəsinin sədri vəzifəsinə kimi yüksəlmişdir.
- 2000-ci ildə bir neçə sahə həmkarlar ittifaqlarının birləşməsi nəticəsində yaranmış «Xidmət-İş» Həmkarlar İttifaqları Federasiyasının prezidenti seçilmişdir.
- 1996-cı ildə AHİK sədrinin müavini,
- 1998-ci ildə isə birinci müavin seçilmişdir.
- Ümumhəmkarlar İttifaqları Konfederasiyasının Şurasının, AHİK-in Məclis və İcraiyyə Komitəsinin üzvüdür.
- Azərbaycan Respublikasının ictimai-siyasi həyatında və həmkarlar ittifaqlarının inkişafında xüsusi xidmətlərinə görə ölkənin «Tərəqqi» medalı, «Azərbaycan Həmkarlar İttifaqlarının 100 illik yubiley» medalına layiq görülmüşdür. Bir sıra beynəlxalq həmkarlar ittifaqlarının medalları ilə təltif edilmişdir.
- Azərbaycan Respublikası Prezidentinin 21.10.2015-ci il tarixli Sərəncamına əsasən İlyas Alxas oğlu Əliyev 3-cü dərəcəli “Vətənə xidmət görə” ordeni ilə təltif edilib.
- Evlidir. Üç övladı var.
Aqil İsax oğlu Dadaşov
AHİK sədrinin müavini«Ülfət» qəzetinin baş redaktoru
Aqil İsax oğlu Dadaşov haqqında
- 1955-ci ildə anadan olmuşdur. 1978-ci ildən Azərbaycan Dövlət Universitetinin (indiki BDU) jurnalistika fakültəsinin məzunudur.
- Əmək fəaliyyətinə «Bakı» və «Baku» axşam qəzetləri redaksiyasında başlamışdır.
- 1991-ci ildən 1992-ci ilə kimi Azərbaycan Həmkarlar İttifaqları Şurasının (indiki AHİK) «Ülfət» qəzetinin məsul katibi, baş redaktorun müavini vəzifələrində işləmişdir. 1992-ci ildən qəzetin baş redaktorudur.
- A.Dadaşov 1998-ci ildə AHİK-in sədr müavini seçilmişdir. Ümumhəmkarlar İttifaqları Konfederasiyasının Şurasının üzvüdür.
- AHİK-in Məclis və İcraiyyə Komitəsinin üzvüdür.
- «Əməkdar mədəniyyət işçisi» fəxri adına, «Azərbaycan Həmkarlar İttifaqlarının 100 illik yubiley» medalına, bir sıra beynəlxalq həmkarlar ittifaqlarının mükafatlarına layiq görülmüşdür.
- Azərbaycan Respublikası Prezidentinin 21.10.2015-ci il tarixli Sərəncamına əsasən Aqil İsax oğlu Dadaşov “Əməkdar jurnalist” Fəxri adına layiq görülüb.
- Evlidir. İki övladı var.
Cavanşir Ağasəlim oğlu Alxasov
AHİK sədrinin müaviniCavanşir Ağasəlim oğlu Alxasov haqqında
- 1957-ci ildə anadan olmuşdur. 1978-ci ildə D.Bunyadzadə adına Azərbaycan Xalq Təsərrüfatı İnstitutunu bitirmişdir.
- Ali təhsilini başa vurduqdan sonra Azərbaycan Dövlət Material Ehtiyatları Komitəsində böyük mühəndis, şöbə rəisi, komitə sədrinin I müavini, Azərbaycan Qızıl Aypara cəmiyyətinin baş katibi vəzifələrində çalışmışdır.
- C.Alxasov 2001-ci ildə AHİK-in sədr müavini seçilmişdir. AHİK-in Məclis və İcraiyyə Komitəsinin üzvüdür.
- Azərbaycan Respublikasının ictimai-siyasi həyatında və həmkarlar ittifaqlarının inkişafında xüsusi xidmətlərinə görə ölkənin «Tərəqqi» medalı, «Azərbaycan Həmkarlar İttifaqlarının 100 illik yubiley» medalı ilə təltif olunmuşdur.
- Azərbaycan Respublikası Prezidentinin 21.10.2015-ci il tarixli Sərəncamına əsasən Cavanşir Ağasəlim oğlu Alxasov “Əməkdar mədəniyyət işçisi” Fəxri adına layiq görülüb.
- Evlidir. İki övladı var.
Əbil Rzaqulu oğlu Ağasiyev
AHİK sədrinin müavini“Kurort” Səhmdar Cəmiyyətinin prezidenti
Əbil Rzaqulu oğlu Ağasiyev haqqında
- 1958-ci ildə anadan olmuşdur. 1982-ci ildə Azərbaycan Dövlət Tibb İnstitutunu bitirmişdir.
- Əmək fəaliyyətinə 1978-ci ildə “Neftçilər” xəstəxanasında kiçik tibb qardaşı vəzifəsindən başlamışdır.
- 1981-ci ilin avqust ayından 1982-ci ilin avqust ayına kimi Bakı şəhər 2 saylı şəhər klinik xəstəxanasında həkim-intern, institutu bitirdikdən sonra “Naftalan” Kurort Birliyində həkim və şöbə müdiri vəzifələrində işləmişdir.
- 1986-cı il tarixdən “Qaranquş” sanatoriyasında şöbə müdiri,
- 1987-ci ildən isə baş həkim vəzifələrində çalışmışdır.
- 2007-ci ilin dekabr ayında “Kurort” Səhmdar Cəmiyyətinin prezidenti seçilmişdir. AHİK-in Məclis və İcraiyyə Komitəsinin üzvüdür.
- Azərbaycan Respublikasının Əməkdar Həkimidir. Tibb elmləri doktorudur.
- Azərbaycan Respublikası Prezidentinin 21.10.2015-ci il tarixli Sərəncamına əsasən Əbil Rzaqulu oğlu Ağasıyev Azərbaycanda həmkarlar hərəkatının inkişafındakı xidmətlərinə görə “Tərəqqi” medalı ilə təltif edilib.
- Azərbaycan Həmkarlar İttifaqları Konfederasiyasının 05.02.2018-ci il tarixdə keçirilən V qurultayında AHİK sədrinin müavini vəzifəsinə seçilib.
- Ailəlidir, iki övladı var.
Hikmət Saleh oğlu Osmanov
AHİK sədrinin müaviniAzərbaycan Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin sədri
Hikmət Saleh oğlu Osmanov haqqında
- 1957-ci ildə anadan olmuşdur.
- 1979-cu ildə Azərbaycan Dövlət Universitetinin biologiya fakültəsini,
- 1990-ci ildə Bakı Ali Partiya məktəbini,
- 2001-ci ildə Bakı Dövlət Universitetinin hüquq fakültəsini bitirmişdir.
- Əmək fəailiyyətinə 1979-cu ildə Quba rayonunda komsomol işində başlayaraq 1984-cü ilədək Azad komsomol komitə katibi, rayon komsomol komitəsinin katibi olmuşdur.
- 1984-cü ildən 1990-cı ilədək Quba rayon Partiya komitəsində təlimatçı, təşkilat şöbəsinin müdiri vəzifələrində çalışmış, Bakı Ali Partiya məktəbində əyani təhsil almışdır.
- 1991-ci ildən 1995-ci ilin sonunadək Quba sovxoz – texnikumunun direktoru vəzifəsində işləmişdir.
- 1996-ci ildən 2005-ci ilədək I və II çağırış Azərbaycan Respublikası Milli Məclisinin deputatı olmuşdur.
- 2005-ci ilin sentyabr ayında Azərbaycan Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin sədri seçilmişdir.
- AHİK-in Məclis və İcraiyyə Komitəsinin üzvüdür. Yeni Azərbaycan Partiyasının üzvüdür. Kənd təsərrüfatı elmləri üzrə fəlsəfə doktorudur. Türk və rus dillərini bilir.
- 4 fevral 2008-ci ildə Azərbaycan Respublikası Prezidentinin sərəncamı ilə “Tərəqqi” medalı ilə təltif edilmişdir.
- Azərbaycan Respublikası Prezidentinin 21.10.2015-ci il tarixli Sərəncamına əsasən Hikmət Saleh oğlu Osmanov 3-cü dərəcəli “Vətənə xidmətə görə” ordeni ilə təltif edilib.
- Azərbaycan Həmkarlar İttifaqları Konfederasiyasının 2021-ci il dekabrın 28-də keçirilən IV Məclisinin qərarı ilə Konfederasiyanın sədr müavini seçilib.
- Evlidir, iki övladı var.
Mirzəyev Musa İbrahim oğlu
AHİK sədrinin müaviniAzərbaycan Elektroenergetika və Elektrotexnika Sənayesiİşçiləri Həmkarlar İttifaqı Respublika Komitəsininsədri
Mirzəyev Musa İbrahim oğlu haqqında
- Mirzəyev Musa İbrahim oğlu 7 avqust 1957-ci ildə anadan olmuşdur.
- 1978-ci ildə Azərbaycan Dövlət Pedaqoji universitetinin Filologiya fakültəsini bitirmişdir.
- Əmək fəaliyyətinə 1978-ci ildə Şəki Pedaqoji məktəbində dil-ədəbiyyat müəllimi kimi başlayıb və həmin il hərbi xidmətə çağırılıb.
- 1981-1996-cı illərdə Bakı Pedaqoji məktəbində dil-ədəbiyyat müəllimi işləyib.
- 1981-1985-ci illərdə müəllimliklə yanaşı həmin məktəbdə Tələbə Həmkarlar Təşkilatının sədri, 1985-1988-ci illərdə isə Müəllim və İşçi Həmkarlar Təşkilatının sədri işləmişdir.
- 1997-ci ildə Bakı Aviasiya Təhlükəsizliyi İdarəsində 2-ci dərəcəli keşikçi, daha sonra həmin idarədə dəftərxana müdiri işləmişdir.
- 1997-2008-ci illərdə “Təmirmaş” Açıq Tipli Səhmdar Cəmiyyətində İdarə heyətinin sədri vəzifəsində çalışmışdır.
- 2008-2017-ci illərdə “Təmirmaş-2” Məhdud Məsuliyyətli Cəmiyyətində direktor vəzifəsində işləmişdir.
- 2020-2022-ci illərdə “Tranzit Store AZ” Məhdud Məsuliyyətli Cəmiyyətində direktor işləmişdir.
- 03 oktyabr 2022-ci ildə Azərbaycan Elektroenergetika və Elektrotexnika Sənayesi İşçiləri Həmkarlar İttifaqı Respublika Komitəsinin sədri vəzifəsinə seçilmişdir.
- Azərbaycan Həmkarlar İttifaqları Konfederasiyasının 2023-ci il sentyabrın 28-də keçirilən VI Məclisinin qərarı ilə Konfederasiyanın sədr müavini seçilib.
- Ailəlidir, 3 övladı, 7 nəvəsi vardır.
Abdullayev Qəzənfər İsmayıl oğlu
AHİK sədrinin müaviniNaxçıvan Muxtar Respublikası Həmkarlar İttifaqları Şurasının sədri