Aprelin 10-11-də Bosniya və Herseqovinanın Banya Luka şəhərində Pan-Avropa Regional Şurasının (PARŞ) İqtisadçılar birliyinin "Layiqli əməkhaqqı və kollektiv danışıqlar" mövzusunda regional iclası keçirilib.
Serbiya Həmkarlar İttifaqının sədri Ranka Mişiç, PARŞ-ın icraçı katibi Anton Leppik və Beynəlxalq Əmək Təşkilatının nümayəndəsi Maqnus Berqe çıxışlar edərək işçilərin əmək hüquqlarının effektiv müdafiəsi, layiqli əməkhaqqı ilə təmin olunması barədə fikirlərini bölüşüblər.
Tədbirdə Azərbaycan Həmkarlar İttifaqları Konfederasiyasının Əmək və sosial-iqtisadi hüquqların müdafiəsi şöbəsinin müdiri Tural Süleymanov çıxış edərək ölkəmizdə həyata keçirilən sosial islahatlar, həmçinin AHİK-in bu istiqamətdə gördüyü işlər, reallaşdırdığı yeni layihələr barədə məlumat verib.
İclasda gündəliyə çıxarılan məsələlərlə bağlı müzakirələr aparılıb, rəy və təkliflər dinlənilib.
