Rumıniyanın Eforie Nord şəhərində keçirilən kişilər arasında şahmat üzrə Avropa çempionatı başa çatıb.
Azərbaycan Həmkarlar İttifaqları Konfederasiyasının tabe təşkilatı Azərbaycan Həmkarlar İttifaqları İdman Təşkilatları Assosiasiyasının (AHİİTA) şahmatçısı Read Səmədov son turda qələbə qazanaraq bu il keçiriləcək dünya kubokuna vəsiqə əldə edib. Eyni zamanda Avropa çempionatında ikinci qrossmeyster (GM) balını toplayan Read Səmədov qrossmeyster normasını da tamamlayıb.
