Martın 15-də Rumıniyanın Eferi-Nord şəhərində kişi şahmatçılar arasında şəxsi Avropa çempionatı start götürəcək.
Qitə çempionatında 40 ölkədən 385 şahmatçı Dünya Kubokuna vəsiqə uğrunda mübarizə aparacaq. Azərbaycan çempionatda 13 şahmatçı ilə təmsil olunacaq.
Təmsilçilərimiz arasında Azərbaycan Həmkarlar İttifaqları Konfederasiyasının (AHİK) tabe təşkilatı Azərbaycan Həmkarlar İttifaqları İdman Təşkilatları Assosiasiyasının (AHİTA) şahmatçısı Read Səmədov da var.
Çempionat 11 turdan ibarət olacaq və martın 26-da yekunlaşacaq.
