Sahə həmkarlar ittifaqının yaranması 23 iyun 1920-ci təsadüf edir.Dövlət İdarələri və İctimai Xidmət İşçiləri Həmkarlar İttifaqı öz ətrafında dövlət qulluqçularını, hüquq-mühafizə və müdafiə sistemində çalışan mülki işçiləri, bir sıra banklar və xidmət sahələrində çalışan həmkarlar ittifaqı üzvlərini birləşdirir.
DİİXİ Hİ üzvlərinin sayı 89 minə yaxındır. Həmkarlar ittifaqının strukturunda 17 birləşmiş, 76 rayon-şəhər və 1514 ilk təşkilat mövcuddur. Respublika Komitəsi 26 nazirlik, komitə və digər mərkəzi qurumlarla sahə Kollektiv Sazişləri imzalamışdır.
DİİXİ Hİ-nın ali rəhbər orqanı qurultaydır. Sonuncu qurultay 2017-ci il avqustun 25- də keçirilmiş və Osmanov Hikmət Saleh oğlu sədr seçilmişdir. Qurultaylararası dövrdə həmkarlar ittifaqına rəhbərliyi Plenum və Rəyasət Heyəti həyata keçirir.
DİİXİ Hİ Saatlı rayonunda Tədris-idman Mərkəzinə və öz üzvlərinin istirahəti üçün Xaçmaz rayonunun Nabran qəsəbəsində 2010-cu ildə istifadəyə verilmiş 96 yerlik “Ülfət” istirahət mərkəzinə malikdir. DİİXİ Həmkarlar İttifaqı PSI (Beynəlxalq İctimai Xidmət Federasiyası), EPSU (Avropa İctimai Xidmət Federasiyası) kimi beynəlxalq təşkilatların üzvüdür.
