Azərbaycan Aviasiya İşçiləri Həmkarlar İttifaqı Respublika Komitəsi

1923-cü ildə aviasiya işçilərinin bir hissəsi Bakıda Yerli nəqliyyat ittifaqında könüllü surətdə “Zakavia” aviator cəmiyyətində birləşmişdir.
1934-cü ildə sürücü və aviasiya işçilərinin Həmkarlar İttifaqı təsis edilmiş, 1937-ci ilin iyulunda isə birinci Konfransı keçirilmişdir.
Aviasiya İşçiləri HİRK 10 mindən artıq həmkarlar ittifaqı üzvünü öz ətrafında birləşdirməklə 15 ilk həmkarlar ittifaqını əhatə edir.
Aviasiya İşçiləri Həmkarlar İttifaqının ali orqanı Konfransdır. Konfrans 5 ildən bir keçirilir. Konfranslararası müddətdə ali orqan Plenum, Plenumlararasında onun icraçı orqanı Rəyasət Heyətidir.
Aviasiya İşçiləri Həmkarlar İttifaqı Respublika Komitəsi Beynəlxalq Aviasiya işçiləri Həmkarlar İttifaqı Birliyinin üzvüdür.