1983-cü ildə Naxçıvan Muxtar Respublikası Culfa rayonunun Bənəniyar kəndində anadan olub.

Orta təhsilini Culfa rayonunun Bənəniyar kəndindəki məktəbdə (1989-1998), sonra isə  Naxçıvan şəhər N.Tusi adına 9 sayılı orta məktəbdə (2000) alıb.

2000-ci ildə Naxçıvan Muxtar Respublikası Terminal-MMC-də gözətçi işləyib.

2001-2005 -ci illərdə Naxçıvan Dövlət Universitetinin Ümumi iqtisadiyyat fakültəsinin Mühasibat Uçotu və Audit ixtisasını fərqlənmə diplomu ilə bitirib.

2005-2006-cı illərdə hərbi xidmətdə olub.

2007-2010-cu ilədək Naxçıvan MR Dövlət Torpaq və Xəritəçəkmə Komitəsində mühasib vəzifəsində çalışıb.

2010-2023–cü illərdə Naxçıvan MR Həmkarlar İttifaqları Şurasında Maliyyə Təsərrüfat şöbəsinin müdiri vəzifəsində çalışıb.

2023-cü il 1 mart-18 may tarixlərində Naxçıvan MR Həmkarlar İttifaqları Şurasında katib, Maliyyə Təsərrüfat şöbəsinin müdiri vəzifəsində çalışıb.

2023-cü il 18 may tarixli Naxçıvan MR Həmkarlar İttifaqları Şurasının ll Məclisinin Qərarı ilə Naxçıvan MR Həmkarlar İttifaqları Şurasının sədri vəzifəsinə seçilib.

2023-cü il iyulun 31-də Naxçıvan Futbol Federasiyasının prezidenti, sentyabr ayının 28-də isə Azərbaycan Həmkarlar İttifaqları Konfederasiyasının sədr müavini seçilib.

2021-ci ildə "Həmkarlar ittifaqlarında xidmətlərinə görə" medalı ilə təltif olunub.

Ailəlidir, 2 övladı var.