Azərbaycan Həmkarlar İttifaqları Konfederasiyasının (AHİK) Katibi – Aparat rəhbəri, Türk Dövlətləri Həmkarlar İttifaqları Təşkilatı (TDHİT) Baş katibinin müavini Həsən Cəfərov Türkiyədə səfərdədir.
H.Cəfərov TDHİT-nin təşkilati-texniki məsələlərlə bağlı Ankarada keçirilən iclaslarında iştirak edir.
Qeyd edək ki, aprelin 22-də Türkiyə Həmkarlar İttifaqları Konfederasiyasında (Türk-İş) qardaş ölkənin əmək və sosial müdafiə naziri Vədat İşıqxanın iştirakı ilə 1 May – Beynəlxalq Əməkçi Gününə həsr olunacaq tədbirlərə hazırlıqlarla bağlı görüş keçirilib. Tədbirə AHİK-in Aparat rəhbəri Həsən Cəfərov da dəvət olunub.
Həmçinin H.Cəfərov Türk Dövlətləri Təşkilatı Ağsaqqallar Şurasının sədri Binəli Yıldırımın xaricdən gələn uşaqlarla keçirdiyi görüşdə iştirak edib.
