Yanvarın 11-də Pan Avropa Regional Şurası (PARŞ) Rəhbərlər Komitəsinin onlayın iclası keçirilib.
Azərbaycan Həmkarlar İttifaqları Konfederasiyasının (AHİK) sədri, PARŞ-nin vitse-prezidenti Səttar Möhbalıyev iclasda iştirak edib.
Tədbiri giriş sözü ilə açan PARŞ-nin prezidenti, Gürcüstan Həmkarlar İttifaqları Konfederasiyasının sədri İrakli Petriaşvili iştirakçıları gündəlikdə duran məsələlərlə tanış edib.
İclasda görülən işlər və qarşıda duran vəzifələr barədə ətraflı məlumat verilib, bu il martın 11-də keçiriləcək Baş Şuranın iclasına hazırlıq, Belarusda həmkarlar ittifaqlarının son vəziyyəti barədə məsələlər geniş müzakirə olunub.
AHİK-in Mətbuat və ictimaiyyətlə əlaqələr şöbəsi