Kənd Təsərrüfatı Nazirliyinin Birləşmiş Həmkarlar İttifaqı Komitəsi nazirliyin tabeli qurumları, eləcə də aqrar sahədə fəaliyyət göstərən müəssisələrin kollektivləri arasında oktyabr ayında “Zəfər” futbol turniri keçirəcəkdir. Bu ilki yarışmada “Aqrar Xidmətlər Agentliyi”, “Aqroservis “ASC, “Aqrar Tədarük və Təhcizat” ASC kimi böyük müəssisələrlə yanaşı regionlardan olan Dövlət Aqrar İnkişaf Mərkəzlərinin eləcə də bəzi özəl müəssisələrin komandaları iştirak edəcək.
Oyunlar Azərbaycan Futbol Federasiyaları Assosasiyasının hakimləri tərəfindən idarə ediləcəkdir. Qaliblərə fəxri fərmanlar, kubok və medallar həmçinin pul mükafatı təqdim olunacaq. 44 günlük Vətən müharibəsində əldə olunmuş tarixi qələbəyə həsr olunan turnirin keçirilməsində əsas məqsəd kollektivlər arasında dostluq əlaqələrinin gücləndirilməsi, işçilərin asudə vaxtlarının səmərəli təşkili və idmanın kütləviliyinin təmin olunmasıdır.
AHİK-in Mətbuat və ictimaiyyətlə əlaqələr şöbəsi
