Azərbaycan Həmkarlar İttifaqları Konfederasiyasının (AHİK) Əməyin mühafizəsi şöbəsinin müdiri Arqutkin Vladimir Vasilyeviç yaşı ilə əlaqədar olaraq, öz xahişi əsasında tutduğu vəzifədən azad edilib.
Qeyd edək ki, Arqutkin Vladimir Vasilyeviç 1945-ci ildə anadan olub. O, 1964-cü ildə əmək fəaliyyətinə başlayıb. 1981-ci ildən isə Azərbaycan həmkarlar ittifaqlarında çalışır.
O, dövlət başçısının sərəncamı əsasında Azərbaycan Respublikasının sosial-ictimai həyatında göstərdiyi xidmətlərə görə, “Tərəqqi” medalı ilə təltif edilib. Həmçinin Azərbaycan həmkarlar ittifaqları hərəkatında səmərəli fəaliyyətinə görə, müxtəlif vaxtlarda “AHİK-in 25 illik yubiley döş nişanı” və “Azərbaycan Həmkarlar İttifaqları-115 yubiley döş nişanı” ilə mükafatlandırılıb.
