Azərbaycan Milli Elmlər Akademiyası Azad Həmkarlar İttifaqı və Bakı şəhəri, Nəsimi Rayon İcra Hakimiyyətinin birgə təşkilatçılığı ilə Nəsimi rayonunda 20 şəhid ailəsinə 18 çeşiddə ərzaq yardımı edilib.
Ərzaqların təqdim edilməsində AMEA Azad Həmkarlar İttifaqının sədri, professor Habil Qurbanov və Nəsimi Rayon İcra Hakimiyyətinin başçısı Asif Əsgərov iştirak edib.
Şəhid ailələri göstərilən diqqət və qayğıya görə öz minnətdarlıqlarını bildiriblər.
Qeyd edək ki, 44 günlük Vətən müharibəsindən sonra Azərbaycan dövləti şəhid olmuş və yaralanmış hərbi qulluqçuların ailələrinə daim diqqət və qayğı ilə yanaşır. Müharibədə ön və arxa cəbhədə xidmət edib şəhid və qazi olmuş hərbi qulluqçular Azərbaycan Respublikasının Prezidenti İlham Əliyevin müvafiq sərəncamları ilə müxtəlif dərəcəli orden və medallarla təltif ediliblər. Onların ailələrinə dövlət tərəfindən daim maddi yardımlar edilir.